*

電郵地址
密碼
submit
submit
CLOSE
issue MAR 2016 VOL: 163
2016-03-01 17:33:16

有種設計叫Timeless Olympus PEN F

 

Text : Ernus / photo : Jack
對設計師來說,如果一生人能夠創作出一件劃時代的作品,那就不枉此生。五十多年前有位日本相機設計師叫米谷美久,他在Olympus工作半生,最大的成就是開發了PEN系列相機,經典的設計至今依然是大賣之作,今回Olympus復刻的,輪到PEN-F。

要談PEN系列,怎能不提它的生父米谷美久?米谷美久1933年生於日本香川縣,雖是成長於生產醬油的家庭,他更有興趣的倒是拿著父親的Leica相機到處拍攝,在他進入早稻田大學第一理工學部機械工學科之時,已經取得四個相機內部結構的設計專利,足見他是一個相機設計方面的天才。大學畢業後,米谷美久進入了Olympus工作,三年後被任命設計一款售價只有市價三分之一的廉價相機,米谷以開發一部「第二相機」為目標,為了減低生產成本,除了將一些零件減省外,還創造出世上首款18×24mm半片幅相機PEN,在當時帶來極大震撼,PEN系列大受歡迎,也引來其他廠商爭相仿傚。往後,Olympus推出了PEN S、PEN D、PEN EE等系列,不斷調節細微的規格與功能,來到1963年,終於推出PEN家族首部可換鏡頭的相機,也就是今期翻生的PEN-F。


當年Olympus之所以將此系列命名PEN,是因為它便攜得好像一支筆,所以在2009年品牌推出旗下首部Micro 4/3系統相機時就乘機將PEN系列數碼化,減去反光鏡的無反相機,其精神與當年PEN有異曲同工之妙,只可惜Olympus未能成為Micro 4/3系統的始創者,否則一切更啱數。PEN系列經過多次復刻,今回Olympus將PEN-F數碼化,成為PEN系列的旗艦型號,又有甚麼賣點呢?在談及規格之前,先看看這部PEN-F的外形。

Olympus過往有多次復刻經驗,不過今次PEN-F可說是復刻得最似樣、而且亦最細膩的一部。其上半部鎂金屬、下半部仿荔枝皮的設計,與過往的PEN一樣,是復古設計的靈魂所在,PEN-F有全黑及銀色兩款,當然是以銀色一款最貼近原型,識買一定揀銀色。

全文請參閱163期《JET》。

 

 

 

 

 

issue FEB 2016 VOL: 162
2016-02-25 16:45
博出位?唔使用劍嘅。加滴眼淚就得啦!

這年頭要出位,單夠打溫情牌並唔夠架
要觀眾感受到你嘅用心,必須要加一滴真摰嘅...眼淚!

Audi為咗宣傳上年年尾上市嘅《Audi RS7 Performance》,拍咗一個特別嘅廣告,片中依舊有車嘅靚shot,但更多鏡頭,竟然係影住一滴駕駛者流出嚟嘅眼淚。片中睇到淚水唔係喺嗰位先生嘅眼角,而係喺架車身度瑯下瑯下,最尾去到車尾,加一句「it will seriously move you」,即係絕對會打動你咁解。

條片唔只顯示到架車快到無朋友,仲快到令一個大男人流晒眼淚,明晒!所以話,想出位?唔使用劍嘅。加滴眼淚就得啦!講到呢度,小編都忍唔住喊....唔係因為無朋友,而家架車真係好靚,但最低售價由接近十三萬美元起標,見到自己買唔起而傷心啫....