以為今年冇咁多動作？點知佢又嚟喇！近年Marc Jacobs格外享受觀眾和傳媒對他的興趣，由戒毒、減肥、健身、換仔、紋身、拍記錄片等無不惹人注目，X不驚人誓不休。繼年前除剩條底褲幫雜誌影相，拿着LV袋遮蓋重要部位的訪問照，與好友Naomi Campbell在Jean Paul Goude鏡頭下一同穿上芭蕾舞tutu，甚或早前跟未婚夫度假時再度被狗仔拍下三角泳褲照等等，他都毫不保留大晒倒三角身形。本月尾47歲的他為宣傳全新推出的MJ男士香氛Bang廣告，又除過你睇。他將重施全裸故技，用超大裝香水遮蓋重要部位。「我答應會親身上陣後，諗唔到着乜衫可以表達自我，試過不同衣服，但係都唔太work，便索性唔着；然後Juergen Teller（御用攝影師）提出用背後的金銀紙，結果好爆，完全配合到Bang的概念。」記憶中，名人推銷自家香水並非太陽底下的新事，porno-chic於10年前已被Tom Ford做到爛；赤裸上陣賣香水，MJ偶像聖羅蘭1970s都做過。今次傳媒焦點一定不少，但網上媒體已用公開致函形式表明懷念昔日MJ低調的酷，況且13年前他口中跟Ford大相徑庭的行為今日自己做突有多，難道男人的中年危機真係比女人的更年期更恐怖？

text  l  林鎧湛（www.stylepov.com）