*

電郵地址
密碼
submit
submit
CLOSE
2016-04-12 12:39:17

幣傢伙,硬幣上畫乜家伙?

Text:Dickson  圖片來源:talesyoulose
喺德國工作嘅巴西設計師 Andre Levy 對硬幣上嘅人像睇唔過眼,係要將佢改頭換面。
佢巧妙咁結合硬幣上原有圖案,再加工少少,為唔同國家嘅硬幣創作出各種得意形象!



Andre Levy曾分享背後創作理念,佢應為我地經常從現實出發,每日被唔同媒體包圍:雜誌、電影、音樂等,你佢萌生出脫離現實世界嘅想法,而佢最後就揀咗現實生活中最常接觸嘅物品:硬幣作為佢逃離現實世界嘅逃生門!



硬幣上嘅人像,大部份都係源於現實中值得紀念嘅人同事物,如今全部被覆蓋,到底又幫唔幫到大家脫離現實呢? 


 

 




最後都要戴返個頭盔先!如果你在喺呢啲硬幣中睇到任何同政治有嘅特別訊息,只能講係純屬巧合。 

2016-04-07 22:45
必睇今屆HK Sevens的7個原因

text by Nic

一年一度的「國泰航空/滙豐香港國際七人欖球賽2016」又來了,今年經已是第41屆,有咩特別?七人欖球賽,七大原因,話你知點解要睇?有咩咁好睇?

1)幾萬人同聲同氣

睇波梗係要現場睇啦,幾萬人齊心,同聲同氣,一齊嗌一齊鬧,更何況現場外國人多,氣氛好熱鬧架!如果唔入場,你又點識得作文點寫《熱鬧過後,我卻感到失落》呢?

 


2)幾萬人扮鬼扮馬

睇波之餘,梗係睇下周圍嘅男男女女啦,奇裝異服,目不暇給呀,就好似去咗一個化妝舞會,場上十幾個球員,場邊幾萬個球迷,有排你睇!

 


3)近距離音樂表演

睇Superbowl 你未必記得賽果,但一定記得今年Coldplay、Bruno Mars和Beyonce的表演!每年HK Sevens都有場內大型表演,今年就有演出過《Knight Rider》和《Baywatch》的David Hasselhoff,仲有The Proclaimers及Björn Again。

 


4)香港人撐香港隊

其實「香港勁揪」的不只足球,還有欖球。今年香港隊被編入E組,與津巴布韋、德國及開曼群島同組,港隊首席華將姚錦成指港隊以小組首名為目標,好有機會入到外圍賽組別的決賽,記得支持!

 

 

5) 睇斐濟又贏冠軍

之前睇方東昇(唔係東方昇)拍《世界零距離II》去過斐濟介紹欖球,其實今年被編入D組的斐濟隊,歷屆比賽在港得過15次銀盃冠軍,既是衛冕亦是近五年四冠,真的不得不支持。同時,由於HK Sevens是國際級賽事,現時系列賽累積得分榜形勢正是斐濟居首、其後依次為南非、新西蘭和澳洲。

 


6)必睇海外球員

託大會公關推介今次必睇海外球員,包括美國隊速度超快的Perry Baker、Carlin Isle,還有澳洲10號仔Quade Cooper,尤其後者,看他youtube片段,假身超勁加上勁準罰球,勁!此外,新西蘭隊的Sonny Bill Williams亦要留意,少有能夠由15人欖球轉打7人,更曾經轉過做拳手,估唔到!

 


7)森巴啦啦隊

數來數去,入場撐港隊撐外隊,睇球賽睇球員,還有甚麼?沒錯,就是啦啦隊!落場打氣的,主要是來自巴西的模特兒們,帶領香港募集的美女,還包括3名森巴女郎、波蘭、美國及香港代表,一起森巴舞啦!

  


「國泰航空/滙豐香港國際七人欖球賽2016」
日期:4月8日至10日
地點:香港大球場
網址:www.hksevens.comwww.facebook.com/HongKong7s